Günəş Enerjisi Sistemlərinin Quraşdırılması
Alternativ enerji mənbələrindən biridə günəşdir. Günəş enerjisi günəş radiasiyasından əldə edilir və günəş panelləri (həmçinin fotovoltaik və ya PV panellər kimi tanınır) daxil olmaqla müxtəlif texnologiyalardan istifadə edilərək əldə olunur.
Günəş panelləri silisium kimi yarımkeçirici materiallardan hazırlanmış çoxsaylı fotovoltaik hücrələrdən ibarətdir. Günəş işığı günəş panelinin səthinə dəydikdə, günəş işığındakı fotonlar yarımkeçirici materialdakı elektronları hərəkətə keçirdərək elektrik cərəyanı yaradır. Günəş panelləri adətən yaşayış, ticarət və ya sənaye obyektləri üçün yaşıl enerji istehsal etmək üçün müvafiq ərazilərdə yerləşdirilir. Günəş panellərinin müxtəlif növlərinə monokristal, polikristal, bifacial və sair daxildir. Onların hər biri səmərəlilik, qiymət və davamlılıq baxımından üstünlüklərə malikdir. Büdcə, enerji məhsuldarlığı, ərazi, davamlılıq və zəmanət, estetik görüntü və sair kimi meyarlar nəzərə alınaraq günəş panelləri seçilir və daha sonra quraşdırlma prosesinə keçid edilir.
Günəş panellərinin quraşdırlması bir neçə mərhələlərdən ibarətdir:
1 – ci mərhələ : Ərazinin dəyərləndirilməsi
Günəş panelləri quraşdırılmadan əvvəl mühəndislər tərəfindən ərazi dəyərləndirilir və panellərin quraşdırılması üçün ən uyğun və optimal mövqeylər seçilir
2 – ci mərhələ: Günəş panelinin strukturunun və sistemin müəyyən edilməsi
On grid sistem – şəbəkə ilə paralel sistemlərdir
Off grid sistem – şəbəkədən ayrı sistemlərdir, elektrikin olmadığı yerlər üçün daha münasibdir
Hibrid sistem – on grid və off grid sistemlərinin funksiyalarını özündə cəmləşdirir
3 – cü mərhələ: Sistem üçün avadanlıqların müəyyən edilməsi
İnverterlər, batareyalar, naqillər və birləşdiricilər, günəş enerjisi şarj tənzimləyiciləri və s.
4 – cü mərhələ: Montaj işləri
Panelin quraşdırılacağı yerdən asılı olaraq dayanaqlı konstruksiya işlərinin həyata keçirilməsi.
5 – ci mərhələ: Elektrik xətlərinin quraşdırılması
Günəş paneli sistemində elektrik xətlərinin quraşdırılması diqqətli planlaşdırma və təhlükəsizlik standartlarına riayət etməyi nəzərdə tutur.
6 – cı mərhələ: Monitorinq sistemi
Günəş panellərinin işini izləmək üçün monitorinq sistemi quraşdırılır. Monitorinq istənilən problemi operativ şəkildə müəyyən etməyə kömək edir və optimal enerji istehsalını təmin edir.